අරගලයක් නොවූ ජන අරගලය.. ( මෙන්න නියම වැඩක්)

 මේ කස්ටිය අපිට මුණ ගැසුනේ මහරගම දීග මෙ ගොල්ලෝ මේ වැඩේ  කියමේට plan  කරලා තියෙනවා.



 අපි කවුරුත් දන්න හැටියට පෙබරවාරි මාසය කියන්නේ ආදරවන්තයින්ගේ මාසය. මේ මාසේ 14 වෙනිදාට ආදරවන්තයින්ගේ දවස යෙදී ඇති බැවිනි.

එහෙත් මේ පාර ලංකාවටනම් ආදරවන්තයින්ගේ දිය පසුකර වැඩි දුරක් යන්නට පෙර ඉතා සුවිශේෂි වූ අනර්ඟ ත්‍යාගයක් ලැබුනා.
ඒක ලැබුනේ සියළු ශ්‍රී ලාංකිකයන් හට එම ත්‍යාගය භුක්ති විඳිය හැකි ලෙසය.



අටුවා ටීකා දෙඩීමෙන් අපට ඇති ප්‍රයොජන මොනවාද? මම ඒක නිසා කෙලින්ම කථාවට එන්නම්....

අපි මුලින් කථා කළ ත්‍යාගය වන්නේ රටේ වැඩි වූ ඉන්ධන මිල ගැනයි. ඒත් එක්කම බස් ගාස්තු, පාන්, ආදී දේද මිල ඉහළ ගියේ අපිට
Happy වැලන්ටයින් Day  කියන්නට මෙනි.

මන්ද අද අපිට ජීවිතය ඉදිරියට ගෙනයාමට අවශ්‍ය සියළු දේ හා තෙල් මිල බැදී පවතීමයි.

මෙහි ප්‍රතිඵලය හොදින්ම භුක්ති විඳින්නේ එදා වේල හම්බුකරන් කන මිනිසුන්ටය...
ඉතින් මේ ප්‍රශ්ණය දෙස ඇහැක් යොමු කළ එක්තරා පිරිසක් විසින්  එක්තරා ක්‍රමයකට ඒ පණිවිඩය මහජනයා හට මේ පණිිවිඩය ටගන ඒමට දැරූ උත්සහයක ප්‍රතිඵලය ලෙස අපිට මේ ජන අරගල ව්‍යාපාරය මහරගම දී හමු වුනේ තවත් අලුත් වැඩක් එක්කය.


මේ කුඩා කණ්ඩායම 2012 පෙබ. 25  මහරගමට එකතු මහරගම නගරය තුළ ඉතා සාමකාමී හා විනෝදකාමී උද්ගෝෂණයක් කරමින් මහරගම ජනතාවට ඔවුන්ගේ පණිවිඩය ගෙනයෑමට අලුත් තාලේ නව උපක්‍රමයක් යොදාගෙන තිබූ අයුරු මේ ඡායාරූප පෙළ තුළින් ඔබට දැකගත හැකිය.

ඔවුන් විසින් කිසිදු අයුරකින් මහා හාර්ගයට හෝ පාරේ ගමන් ගත් මහ ජනතාවට කිසිඳු කරදරයක් බාධාවක් නොවන අයුරින් මේ MODIFIED උද්ගොෂණ ව්‍යාපාරය ගෙන ගියේ ඒ තුළට සංගීතයද මුසු කරමිනි... 

මොවුන් ම‍හා මාර්ගයට බාධා කළේ නැත,
මහා මාර්ගය මැද ගිනි ගොඩවල් ගැසුවේද නැත.
පාරේ යන බස් රථ වලට ගල් ගැසුවේද නැත,
මහා මාර්ගයේ මගියෙකුට වත් ගමන් කළ නොහැකි ලෙස මිණි පෙට්ටි රුගෙන පාරට බැස්සේද නැත,

ඔවුන් කළේ ප්ලාස්ටික් බැරල් හා ටින් බෙලෙක්ක ටිකක් එකතු කරගෙන තමන්ටම ඔවුන්ටම ආවේනික වූ ආකාර‍යට බැනර් පොස්ටර් ටිකක් නිර්මාණය කරගෙන,

එයත් ඉතා නිර්මාණ ශීලි ලෙස මිනිසුන්ගේ ඇස් ඇදගන්නා ලෙස සකසාගෙන,
සහයට බොන්ගෝ බෙරයක සහය ද එක්කොට ඔවුන් විසින්ම නිර්මාණය කරගත් ගීත ගායනා කරමින් කුඩා දරුවා පවා මොවුන් වෙතට ආකර්ශණය කර ගත්තේ සියළු සිත් වලටද මහත් විනෝදාස්වාදයක් ලබා දෙමිනි.

මේ කණ්ඩායම කවුද කියන්නට අපි නොදත්තෙමු,
මොවුන්ගේ අරමුණ ද අපි නොදන්නෙමු,
නමුත් අපි එක දෙයක් නම් දැන් දන්නෙමු,
ඒ මේ කණ්ඩායමට නිර්මාණ ශීලි හා මානුශික හැඟීම් ඇති බවය.

ඊට පසු දින ද තවත් රතු තොප්පි කාරයන් පිරිසක් මහරගම නගරයට පැමිණියේ පාරේ යන මිනිස්සුන්ට දහඩිය පිස දැමීමට පත්තර කොළ බෙදීමට ජන මාධ්‍යද එක්රැස් කරගෙනය...
මහා මාර්ගයට මෙන්ම මඟින්ටද මහත් බාධාවක් වූ මේ පිරිස මහරගම නගරය අපිරිසිදු කිරීමට නම් මහත් සහයක් දක්වූ අයුරු නම් අපට දැක ගත හැකි විය...



ඔවුන්ගේ කිසිඳු ඡායාරූපයක් මෙහි අඩංඟු නොවන බව කරුණාවෙන් සලකන්න....

සුරේෂ් මධුශාන්